Tiempos meyores

Pal Xuzgáu de Primera Instancia Número 70 de Madrid sí. Poro, va condenar al periodista del corazón Jesús Mariñas, a pagar 15.000 euros a Norma Duval por dicir que yera lesbiana. Vamos, que ye lo mesmu que si te llamen fíu de puta o asesín. Que falen de la to sexualidá nun ye una cuestión del drechu a la vida privada, non, ye una cuestión del drechu al honor.

Y lo peor ye qu’un “periodista” marica (y fachorru) diz que la vedette ye lesbiana pa dexala mal.

En que mundu vivimos mamina.

Barbara Broccoli, productora de les pelis de 007 dixo que pue imaginase a un James Bond negro, “del mesmu mou qu’hai un presidente americanu negru”, peor non homosexual “yá qu’eso diría a la contra del so carácter original”. Paez que la mozuca esta nun lleó un periódico na so vida.

Pero non pola condición sexual de l’actriz Brooke Smith, según dicen. La versión oficial ye que nun hai química ente la Dra. Erica Hahn y la Dra Callies. Sicasí, los directivos de l’ABC, cadena onde s’emite, pidieron un amenorgamientu de les trames gais na serie. Paez ser que pa los de l’ABC ta bien tener personaxes gai na serie, pero nun ye políticamente correcto qu’estos se namoren y tengan una relación. Dase la casualidá que Brooke Smith yera la sustituta de Isaiah Washington, despedíu después de llamar maricón al so compañeru de repartu TR Knight.

L´actor americanu de 39 años Gale Harold, conocíu pol so papel de Brian Kinney en la serie “Queer as Folk”, ta ingresáu nun hospital n´estáu grave tres sofrir un accidente de motu. L´accidente prodúxose´l pasáu martes y l´actor, protagonista de la serie más gai de la historia, foi ingresáu con un hombru frayáu y traumatismu craneoencefálicu. Anguaño Gale Harold facía un papel na quinta temporada de “Muyeres Desesperaes” interpretando al mozu de Susan Mayer. L´accidente podría obligar a camudar dalgunes de les histories de la serie que n´España emiten La 2 y Fox.