Tiempos meyores

Nun mundu heteronormativu, ser d’un país onde’l cantar más conocíu de la música na so llingua fala d’un transexual, nun ye poco.

Lo de ser una diva tien el so aquel, vas tener una montonera de llocaces tres de ti siguiendo los tos pasos, sollertes a tolos tos movimientos. Un garapiellu de fans que van tar siempre contigo, mercando tolo que saques y defendiéndote faigas lo que faigas. Pero namás vas ser una diva, pasar a la historia de la música, si yes una diva gai. Y has ganalo col sudor de la to frente…

AMOR Y LUJO (MÓNICA NARANJO)

TODOS ME MIRAN (GLORIA TREVI)

I WILL SURVIVE (MARTA SÁNCHEZ)

Tamién pues tener la suerte de que seyas la interprete del himnu gai d’un Estáu, entós podrás inclús ser colaboradora de Jiménez Losantos y escribir en Libertad Digital, entós con salir na mani del Arguyu cola banderina del arcu la vieya, y movela cuando ves cámares, yá abonda…

Ivri Lider ye un de los cantantes más conocíos d´Israel, amás d´un activista de los drechos gais nel so país. Entamó la so carrera musical nel institutu y en 1997 robló cola compañía Helicon pa entamar a trabayar nel so primer álbum (Melatef Umeshaker”/ Acariciándome y mintiéndome), col qu´algamó´l discu de platinu n´Israel.

Dempués d´espublizar el so segundu discu (“Yoter Tov Klum Mikinát”/Meyor nada que casi) ganó en 2000 el premiu que da la industria discográfica d´Israel al artista del añu. Tres algamar el discu d´oru por vender 30.000 copies del so tercer álbum "Ha'anashim Hajadashim" ("La nueva xeneración"), Ivri decidió salir del armariu y concedió una entrevista al periódicu “Ma´ariv” onde faló abiertamente de la so sexualidá.

En 2002 compuso la música de película d´Eytam Fox “Yossi y Jagger”, onde versionó´l tema “Bo” (Ven) de la estrella del pop israelí Rita. Ivri tamién compuso la música pa les posteriores películes de Fox: “Caminar sobre les agues” (onde versionó´l tema “Cinderella Rockefella” con Rita) y “La Burbuya” (col tema “The man I love”).

Tres una carrera enllena d´ésitos, premios y cinco discos que diben innovando con soníos nuevos, en 2007 Ivri participó nel discu "Revolutions”, espublizáu nos Estaos Xuníos y qu´inclúi una esbilla de promeses de la música LGBT. Ivri Lider col tema "Jesse" ye l´únicu cantante non estaoxunidense que participa nel discu.

Préstame muncho Jesse
Pero Jesse nun me cuerrespuende
Diz que la so moza vive en Chelsea
Y que la quier muncho.

Préstame muncho Jesse
Pero Jesse nun me cuerrespuende
Diz que ta inseguru
De lo que siente y lo que quier.

Pero cada vez 1ue me mira y sonríe
Pueo ver que somos iguales

Nun ties que decir que visti la vida que m´escoyeron.

Préstame muncho Jesse
Pero Jesse nun me correspuende
Quier un besu
Dirse a la cama
Y nun falar d´ello

Préstame muncho Jesse
Pero Jesse nun me cuerrespuende
Diz que ye heteru
Que yo lo malinterpretu
Que too ta na mio mente

Tolo pueo esconder
Toi faciéndolo bien

Pero cada vez
Que me mira y sonríe
Pueo ver que somos iguales
Y si camudara´l so mundu por min
Si namás supiera´l mio nome.

Préstame muncho Danny
Pero Danny nun me cuerrespuende
Diz que la so moza vive en Chelsea
Y que la quier muncho.

Préstame muncho Danny
Pero Jesse nun me cuerrespuende
Diz que ta inseguru
De lo que siente y lo que quier.

La falsa moral de facer un cantar nidiamente gai y preferir amosar nel vidioclip l´amor ente una profesora y un escolín, que paez que la sociedá acepta meyor la pederastia qu´a dos tios morreándose

Nun entamu tenía mieu,
Taba petrificáu.
Siguía pensando
Que nunca podría vivir ensin ti al mio llau.
Pero llueu, pasé tantes nueches
Pensando en cómo me mancasti.
Y volvíme fuerte.
Aprendí a vivir solu.

Y agora vuelves
Del espaciu esterior.
Namás salir alcontréte
Con esa mesma güeyada.
Debería camudar la zarradura
Y nun dexate la llave.
Pero nun sabía que volveríes,
Pa sigiuir mancándome

Oh, agora marcha,
Sal pola puerta,
Namás da la vuelta.
Agora, yá nun yes bienllegáu.
¿Nun yes tu´l que quixo dexame?
¿pensasti que m´esvaneceria?
¿pensasti qu´abandonaría y morrería?

Pues non, yo non.
Sobreviviré.
Mientres sepa cómo amar, sé que taré vivu.
Tengo tola vida por vivir.
Tengo tol mio amor por dar.
Sobreviviré.
Sobreviviré.
Sí sí.

Llevóme toles fuercies que tenía
Nun cayeme en cachinos
Toi tentando arreglar les pieces
Del mio corazón frayáu.
Y pasé tantes nueches
Compadeciéndome de min mesmu.
Lloraba davezu.
Pero agora, nun m´averguenzo.

Y yá me ves
Con una nueva persona.
Nun soi esi felpeyu namoráu de ti.
Y pensabes que volvería contigo
Y esperabes alcontrame llibre.
Pero agora tol amor que tengo
Ye pa daquién que m´ama.

¡¡¡Nacionaliegu!!!

Fartu toi yá de buscar
daqué d´amor pente la ciudá,
rulando peles saunes d´un llau a otru
sollerte total pa nun me comer ná.

Tengo abonda fame ¿nun me ves la cara?
pero índa nun muerdu cualaquier mazana.
Nun quiero princesa que llueu salga reinona,
nin carne de ximnasiu, nin plumiferu con pates.

Quiero un rapaz na na nacionaliegu,
que sepia pronunciar la ch vaqueira,
quiero un rapaz na na nacionaliegu,
que nun faiga casu a Rouco Varela.

La vecina´l cuartu siempre que m´alcuentra
ximielga´l cadril d´aquella manera,
ta lloca si piensa que voi dir tres d´ella,
yo sigo esperando al mio dixebriegu.

Toes quieren lo mesmu llevame pal altar
nun saben que pierdo aceite por docenes,
darréu que s´enteren nun tendré más xera
que siguir guetando al mozu melgueru

Quiero un rapaz na na nacionaliegu,
que sepia pronunciar la ch vaqueira,
quiero un rapaz na na nacionaliegu,
que nun faiga casu a Rouco Varela.

Tu yes l´alitu de la mio vida,
da igual si yes versátil o res de pasivu,
contigo saldré a la fin del armariu
p´ablucar a les vieyes que salgan de misa.

Eurovisión xuntos veremos,
na mani l´arguyu los dos glayaremos,
a los peperos tiraremos-yos güevos
y de tol ambiente la envidia seremos.

Quiero un rapaz na na nacionaliegu,
que sepia pronunciar la ch vaqueira,
quiero un rapaz na na nacionaliegu,
que nun faiga casu a Rouco Varela.