La cadena estaoxunidense Showtime ta preparando un nuevu reality onde gais anónimos van salir del armariu nuna xuntanza colos sos familiares. El programa va llamase "Way Out" (Salida) y completaráse con un reportaxe sobre la relación colos seres queríos dempués de revelar el secretu.
La serie d’Antena 3 “Aquí no hay quien viva” fizo historia por ser la primer ficción española onde una pareya gai presentábase al públicu d’un xeitu dafechu normal. Anguaño, la serie tamién ta emitiéndose en Colombia, pero la presencia d’estos personaxes na versión d’esti país nun presta un res al senador Víctor Velázquez, del Movimiento Colombia Viva. El políticu ta too preocupáu porque los neños tán viendo a dos sodomites d’un xeitu normal, y esto nun va ayudar a que desendolquen la so llibre personalidá y decidir que facer cola so sexualidá. Según el senador, elli nun ye homófobu, “pero quién quiera tener eses desviaciones que les vea nun horariu onde nun haya neños”. Como Colombia ye un país ensin más problemas, como toos sabemos, Velázquez quier que’l parlamentu alderique sobre l’asuntu.
Quién nun sospechó nunca qu’Epi y Blas, esos tiernos personaxes de la nuesa infancia, yeren gais. Vivíen xuntos, comparíen los trabayos nel fogar ya inclús hai una escena onde Epi ta na bañera y pidi-y a Blas que-y enxabone la espalda, como un féliz matrimoniu. ¿Qué pensáis que cuando yá nun mirábamos nun xuntaben les cames?
Y yá nin falar de lo del Teletubbie col bolsu, iconu gai afaláu pola polémica de los radicales hetero-normativos y la prohibición de la serie en Polonia. O d’un vidiu de la televisión de los EEXX pa puxar pola tolerancia onte una montonera de personaxes infantiles cantaben que “somos familia”, una oda a la tolerancia, propaganda gai según los extremistes. Y ye que ta bien que dende neños, los dueños del mañana, deprenden que nun to ye pá y ma, qu´Epi y Blas yeren felices, o que Bob Esponxa pue dir pela cai de la mano del so amigu Patriciu ensin que pase nada.
Nun de los últimos episodios de “Los Simpsons” qu’anguaño tán emitiéndose nos EEXX, Homer abre una consulta p’asesorar pareyes con problemas. Asina, vuelve tener contautu colos dos gais colos que compartió casa tres una fuerte discusión con Marge. Un de los dos personaxes llámalu per teléfonu y mientres falen, ¡¡¡Duffman sal de la ducha!!!.
La so salidá ye especialmente provocadora porque’l personaxe yera abondo machista. Nel mesmu episodiu Lenny sal del armariu, pero pa declarase heterosexual y decir que nun tien nada que ver con Carl.
La canal de televisión americana Showtime, responsable de series de tamática gai como "Queer as folk" y otros productos de calidá como "Dexter", trabaya nuna serie sobre un superhéroe gai basada na novela "Hero" de Perry Moore. El responsable de la versión cinematográfica de "Iron Man" será l'encargáu de llevala a bon puertu.
El protagonista de la novela, Tom Creed, escuende la so identidá y tamién la so orientación sexual. Hai munches teoríes que despliquen que los superhéroes tienen una segunda lelctura gai, lleven una doble vida y esconden un secretu, una posible metáfora del armariu.
Pero non pola condición sexual de l’actriz Brooke Smith, según dicen. La versión oficial ye que nun hai química ente la Dra. Erica Hahn y la Dra Callies. Sicasí, los directivos de l’ABC, cadena onde s’emite, pidieron un amenorgamientu de les trames gais na serie. Paez ser que pa los de l’ABC ta bien tener personaxes gai na serie, pero nun ye políticamente correcto qu’estos se namoren y tengan una relación. Dase la casualidá que Brooke Smith yera la sustituta de Isaiah Washington, despedíu después de llamar maricón al so compañeru de repartu TR Knight.
¿Tomamos una na Santa?
Tags
Esbilla
del.icio.us