Tiempos meyores

Dende fai selmanes Youtube ufre recomendaciones de videos a tolos usuarios rexistraos. Según los vidios que veas, el servidor esbilla trés d’ente la montonera de los qu’hai. A min yá me recomendaron vidios de lo meyor de la música gai, dalgún de Monica Naranjo, besos ente dos homes, trailers de pelis de temática LGTB, manifestaciones del arguyu… Sicasí, dengún d’una mani pola oficialidá o d’un actu de la Pita, y mira qu’ando güeyando más d’estos últimos que de los primeros. Entós vienme una entrega; ¿que ta peor vistu, ser un sodomita o un asturianista?, ¿la xente oculta la so ideoloxía asturtxale ante la mayoría anti-dixebriega?, ¿tendrá l’asturianismu qu’entamar a salir del armariu?, ¿qué mos queda a los gais asturtxales nun mundu heteru y españolista?.

Quién nun sospechó nunca qu’Epi y Blas, esos tiernos personaxes de la nuesa infancia, yeren gais. Vivíen xuntos, comparíen los trabayos nel fogar ya inclús hai una escena onde Epi ta na bañera y pidi-y a Blas que-y enxabone la espalda, como un féliz matrimoniu. ¿Qué pensáis que cuando yá nun mirábamos nun xuntaben les cames?

Y yá nin falar de lo del Teletubbie col bolsu, iconu gai afaláu pola polémica de los radicales hetero-normativos y la prohibición de la serie en Polonia. O d’un vidiu de la televisión de los EEXX pa puxar pola tolerancia onte una montonera de personaxes infantiles cantaben que “somos familia”, una oda a la tolerancia, propaganda gai según los extremistes. Y ye que ta bien que dende neños, los dueños del mañana, deprenden que nun to ye pá y ma, qu´Epi y Blas yeren felices, o que Bob Esponxa pue dir pela cai de la mano del so amigu Patriciu ensin que pase nada.

La doctrina de la Ilesia Católica condena la homosexualidá y les relaciones sexuales fuera del matrimoniu. Amás, los relixosos y relixoses tienen que facer votu de castidá.

Juan XII (955-964), Papa a los 17 años, fizo obispos a dalgunos de los sos amantes. Finó la so vida abrazáu a un de los sos efebos, na cama y por un ataque cardiacu.

Bendeditu IX, “El Fermosu” (1032-1044), Papa que morrió nuna orxía sadomasoquista.

Sixto IV (1471-1494), ésti algamó’l papáu gracies a la compra de votos que realizó cola fortuna del so amante, Pietro Riairo, dempués devolvió-y’l favor con cuatro obispaos y un cardenalatu.

Julio III (1550-1555), nomó como secretariu d’Estáu al so amante, Inocencio Prevostino, de 17 años.

Los maricos somos la hostia, tenemos más coyones que naide y, poro, al mesmísimu Ranger de Texas dámos-y mieu. Chuck Norris diz que tien mieu de la “anarquía homosexual”. El, gran demócrata y pacifista, diz que si nun se ta d’alcuerdu cola Proposición 8 “problemos l’anarquía”.

Y ye que según Chusín Norris, una vieyina de 69 años que diba con una cruz faciendo por salvar l’alma de los sodomites foi increpada por un grupu d’invertíos radicalones. El Ranger más famosu yá pidió la intervención de la policia que combate los crímenes d’odiu.

De los que nun s’alcordó Chusín foi del home que foi atacáu por un partidaríu de la discriminación o les trés muyeres que foron agredíes por simpatizantes de los mormones.

Nun de los últimos episodios de “Los Simpsons” qu’anguaño tán emitiéndose nos EEXX, Homer abre una consulta p’asesorar pareyes con problemas. Asina, vuelve tener contautu colos dos gais colos que compartió casa tres una fuerte discusión con Marge. Un de los dos personaxes llámalu per teléfonu y mientres falen, ¡¡¡Duffman sal de la ducha!!!.

La so salidá ye especialmente provocadora porque’l personaxe yera abondo machista. Nel mesmu episodiu Lenny sal del armariu, pero pa declarase heterosexual y decir que nun tien nada que ver con Carl.

Lo de ser una diva tien el so aquel, vas tener una montonera de llocaces tres de ti siguiendo los tos pasos, sollertes a tolos tos movimientos. Un garapiellu de fans que van tar siempre contigo, mercando tolo que saques y defendiéndote faigas lo que faigas. Pero namás vas ser una diva, pasar a la historia de la música, si yes una diva gai. Y has ganalo col sudor de la to frente…

AMOR Y LUJO (MÓNICA NARANJO)

TODOS ME MIRAN (GLORIA TREVI)

I WILL SURVIVE (MARTA SÁNCHEZ)

Tamién pues tener la suerte de que seyas la interprete del himnu gai d’un Estáu, entós podrás inclús ser colaboradora de Jiménez Losantos y escribir en Libertad Digital, entós con salir na mani del Arguyu cola banderina del arcu la vieya, y movela cuando ves cámares, yá abonda…

La canal de televisión americana Showtime, responsable de series de tamática gai como "Queer as folk" y otros productos de calidá como "Dexter", trabaya nuna serie sobre un superhéroe gai basada na novela "Hero" de Perry Moore. El responsable de la versión cinematográfica de "Iron Man" será l'encargáu de llevala a bon puertu.

El protagonista de la novela, Tom Creed, escuende la so identidá y tamién la so orientación sexual. Hai munches teoríes que despliquen que los superhéroes tienen una segunda lelctura gai, lleven una doble vida y esconden un secretu, una posible metáfora del armariu.

Ibon Larrazabal ironiza con un futuro radical sin sida en Sero
El mismo día que este periódico se hacía eco del estudio de Nature sobre una vacuna para el sida probada con éxito en monos, tuvimos la oportunidad de hablar con Ibon Larrazabal (Gorliz, Bizkaia, 1970), que en su novela Sero (Odisea Editorial) plantea un escenario futurista donde una inmunización contra el VIH irrumpe con consecuencias inesperadas. Entre otras, la explotación de infectados por multinacionales y la exaltación de la circunstancia del seropositivo casi al estatus de culto, algo exclusivo.

"Es un futuro próximo y probable, pero todavía no está aquí" En este campo de batalla surge un héroe déspota y violento, Yurgi, el protagonista. "Es un futuro próximo y probable, pero que todavía no está aquí explica el autor. Me interesaba hablar del comportamiento de esa gente que hace bandera de una sola característica de su personalidad, como su lugar de nacimiento o su orientación sexual, y que luego les puede llevar a posturas extremas e intolerantes con otros, como el outing".

Nada de Star Wars
Larrazabal lo hace a partir del absurdo, dibujando una sociedad cruel donde los programas de TV se ríen de los espectadores que llaman para contar sus problemas y donde la cola de la farmacia es una experiencia peor que ir a la guerra.

"Situarlo en un futuro próximo es solo un soporte y una excusa para hablar de otros temas desde una perspectiva dislocada, ver los problemas desde otro ángulo. No quería contar La guerra de las galaxias sino reflexionar sobre, por ejemplo, los problemas cotidianos de los enfermos de sida".

Y esa visión dislocada tiene más que ver con la nueva narrativa norteamericana (Palahniuk, Easton Ellis) que con la literatura de naves espaciales: Larrazabal, como Foster Wallace, parece sentir predilección por dar cierta sobreinformación (pastillas, píldoras, medicamentos) y es capaz de hacer literatura con un informe médico. Y también de no sentir cariño por su personaje, Yurgi: "Me cae mal. No escucha a nadie. No sería alguien a quien me gustase encontrarme".

PÚBLICO

Según la última sesión de la RAE, que ta trabajando pa espublizar una nueva edición del so diccionariu en 2012, son pallabres castellanes "pen drive" o les sigles “USB” o “LSD”. Según despliquen hai que modernizar la llingua según la realidá de güei. Sicasí, matrimoniu sigui siendo la unión d’un home y una muyer. Güei toi más arguyosu de ser asturfalante:

matrimoniu, el: sust. Pautu o contratu [llegal o relixosu ente dos persones pa vivir xuntos]. 2 Sacramentu [col que la Ilesia acepta la xuntura de dos persones]. 3 Pareya, conxuntu de dos persones que tán casaes. || Pesar como un matrimoniu vieyu, fam. pesar muncho.

Sicasí, el diccionariu de l’ALLA tovía nun inclíu la pallabra gai

maricu, -a, -o: ax. Que marica. 2 Dau a maricar. 3 Que tien aspeutu, maneres propies de muyer [un home].

maricón, -ona, -ón (-ono): ax. aum. de maricu. 2 Maricu.

manfloritu, -a, -o: ax. Que tien dos sexos. 2 Amuyeráu [un home]. 3 De sexu indefiníu.

homosexual: ax. Inclináu a les rellaciones sexuales col mesmu sexu.

lesbiana, la: sust. Muyer [que tien rellaciones amoroses y sexuales con otres muyeres].

bisexual: ax. Hermafrodita, que ye machu y fema a la vez [un animal, una planta]. 2 Que tien rellaciones sexuales con homes y con muyeres [una persona].

transexual: ax. Que camudó’l sexu con un tratamientu hormonal, quirúrxicu.

A cuentes de gai:

gayoleru, -a, -o: ax. Que-y gusta la gayola, la folixa. 2 Allegre, que tien allegría. 3 Folganzán, que nun-y gusta trabayar. 4 Que fai tolo posible pa namorar, pa prestar a daquién. 5 Col rixu sexual altu.

:)

Espiertes, prendes la radio, ganó Obama, un fechu históricu, el fin del conflictu racial nos Estaos Xuníos. El presidente entamó’l so discursu falando de que diba ser un mandatariu pa toos: blancos y negros, mozos y vieyos, ricos y probes, homos y heteros.

Mientres, a lo llargo de tolos Estaos Xuníos, sobre manera en California, Arizona, Florida y Arkansas, miles de persones teníen que ver como los sos drechos yeren recurtiaos, como nun-yos consideraben persones n’igualdá de condiciones. Una discriminación cola qu’Obama ta dalcuerdu.