Tiempos meyores

“Maurice” ye una novela qu´Edward Morgan Foster entamó a escribir en 1913, pero que nun s´asoleyó hasta 1971, tres la muerte del escritor. Anque Foster dexó que dalgunos amigos la lleeran nun quixo espublizala en vida por mieu. Na novela narráse l´adolescencia y xuventú de Maurice, un home burgués que vive na Inglaterra d´entamos del sieglu XX y que descubre la so homosexualidá tres namorase de Clive, un compañeru d´un internáu de la Universidá de Cambridge. Los dos tendrán qu´esconder el so amor pola persecución de la época y la refuga de la sociedá haza cualesquier amuesa d´amor ente dos persones del mesmu sexu. E. M. Foster dexó una de les dedicatories más curioses y simbóliques de tola lliteratura: "Dedicáu a tiempos meyores...".

Esbilla | del.icio.us