Tiempos meyores

MADRID, 24 de Setiembre (EUROPA PRESS)

La homosexualidá ye illegal en 26 países islámicos y castígase con penes que van dende los zurdiellazos hasta la pena de muerte, pasando pel encarcelamientu demientres años, según esplicó güei la Confederación Española Colegas de lesbianes, gais, bisexuales y transexuales, qu'organiza de magar mañana el I Congresu Internacional 'Derechos Humanos, Sociedá Civil y Homosexualidá nos países de mayoría musulmana'.

Demientres tres xornaes, más de 150 ponentes de distintos países van aldericar sobre estos asuntos pa "facer pública" esta situación de "discriminación y persecución" de la homosexualidá y analizar l'estáu de los derechos humanos nos países musulmanes, según esplicó güei la organización.

Ente los ponentes, destaca la presencia del escritor marroquí, Abdellah Taïa, que va ofrecer la conferencia inaugral cola ponencia 'Un Yo homosexual en Marruecos'. También van participar el vicepresidente de la Organización Marroquí de Derechos Humanos, Mohamed Nesh-Nash; el secretariu de la Xunta Islámica d'España, Abdennur Prado y el presidente de la única organización de gais en Marruecos ('Kif Kif'), Samir Bargachi, ente otros.

Esbilla | del.icio.us