Tiempos meyores

La sexta edición de la versión italiana de “La islla de los famosos”, emitida na RAI 2, ta acabantes de finar cola victoria de Vladimir Luxuria, una transexual ensin operar y ex diputada del Partíu Comunista. Luxuria convirtióse en 2006 na primer transexual italiana en ser diputada y foi una de les organizadores en 1994 de la primer Gay Pride de Roma. Luxuria ganó 200.000 euros, de los cuales va donar la metá a UNICEF. La ganadora del reality dixo que la so victoria amosaba que los italianos tan mui per delantre de los políticos. Mientres la emisión del programa, la cadena algamó cuotes d’audiencia per riba del 50%.

Mientres, nel país de la bota, l’Institutu Italianu d’Autodisciplina Publicitaria promovía’l retiru de dos anuncios de la empresa de moda Ra-re. Nel primeru dos homes vestíos de xeitu casual taban riéndose mientres ún tocaba-y’l paquete a otru. Nel segundu, dos homes vestíos de traxe besábanse mientres taben tumbaos nun sofá. Pal Institutu yera una amuesa vulgar y provocativa de situaciones lligaes a la intimidá sexual que mancaba al públicu. Del mesmu mou dicían que podía resultar incómodu pa los neños

Esbilla | del.icio.us